Luchd-rannsachaidh a dhìth airson Rannsachadh Ainm-àite

A bheil ùidh agaibh ann an ainmean-àite agus cruth na tìre?

Tha Ainmean-Àite na h-Alba (AÀA), an com-pàirteachas comhairleachaidh nàiseanta airson ainmean-àite Gàidhlig ann an Alba, le taic bho Bhòrd na Gàidhlig a’ lorg suas gu ceathrar luchd-rannsachaidh gus obair-raoin a dhèanamh air ainmean-àite ann an coimhearsnachdan Ghàidhlig air feadh Alba.

Tha ùidh ann an eachdraidh is ainmean-àite na sgìre agus Gàidhlig aig ìre reusanta fileanta riatanach.

Gheibhear latha trèanaidh (àm is àite ri aontachadh) agus taic leantainneach (a’ gabhail a-steach cosgaisean).

Bidh gach neach-rannsachaidh ag obair air an ceann fhèin fad 20 làithean thairis air 10 seachdainean, le uairean obrach sùbailte. Tha sinn an dùil an obair rannsachaidh a thòiseachadh ro mheadhan an Lùnastail.

Bu chòir gun tèid aig gach neach-rannsachaidh ri co-dhiù dithis neach-fiosrachaidh a lorg. Bidh dleastanasan eile a’ gabhail a-steach:

• Comharran-clèithe OS a dhearbhadh
• An obair rannsachaidh a chur còmhla ann an cliath-dhuilleig
• Agallamhan a thar-sgrìobhadh

Ma tha ùidh agaibh ann, no airson barrachd fiosrachaidh fhaighinn, cuiribh fios thugainn aig oifis@ainmean-àite.scot.

Cuiribh iarrtas-obrach, litir agus cunntas-beatha thugainn ro Dhihaoine 5mh den Iuchar 2019.