Ballrachd AÀA
Bidh AÀA a’ faighinn taic-airgid bho Bhòrd na Gàidhlig airson cuibhreann mòr de na cosgaisean làitheil, agus ged nach eil seo a’ ciallachadh gu bheil seirbheisean AÀA an-asgaidh, tha e a’ leigeil leinn na seirbheisean againn a thabhann aig cosgais fada nas ìsle.
Tha ballrachd AÀA fosgailte do bhuidheann/phròiseact sam bith a tha airson na seirbheisean againn fhastadh. Bu chòir ath-sgrùdadh agus aonta a dhèanamh air ìre ballrachd mìos no dhà mus bi an t-àm ann a’ bhallrachd ùrachadh.
Tha buannachdan gach ìre ballrachd air am mìneachadh gu h-ìosal.
Ìre 1: Tom – £2,000 sa bhliadhna
Gheibh buill Tom a’ chiad 75 ainm-àite (9 a bharrachd air a’ phrìs mhalairtich) air an rannsachadh agus air an dearbhadh an-asgaidh. Builichear a’ phrìs mhalairteach às dèidh sin.
Ìre 2: Meall – £3,000 sa bhliadhna
Gheibh buill Meall a’ chiad 114 ainm-àite (14 a bharrachd air a’ phrìs mhalairtich) air an rannsachadh agus air an dearbhadh an-asgaidh. Builichear a’ phrìs mhalairteach às dèidh sin.
Ìre 3: Càrn – £4,000 sa bhliadhna
Gheibh buill Càrn a’ chiad 152 ainm-àite (19 a bharrachd air a’ phrìs mhalairtich) air an rannsachadh agus air an dearbhadh an-asgaidh. Builichear a’ phrìs mhalairteach às dèidh sin.
Ìre 4: Beinn – £5,000 sa bhliadhna
Gheibh buill Beinn a’ chiad 191 ainm-àite (24 a bharrachd air a’ phrìs mhalairtich) air an rannsachadh agus air an dearbhadh an-asgaidh. Builichear a’ phrìs mhalairteach às dèidh sin.
*Airson fios: Mura tèid ballrachd a thoirt a-mach, pàighear a’ phrìs mhalairteach choitcheann.
Prìs Mhalairteach
£30 gach ainm-àite a thathar a’ rannsachadh
Ainmean-àite nach do rannsaich sinn roimhe, no cruthan eadar-dhealaichte de dh’ainmean-àite a rannsaich sinn roimhe, leithid cruthan ginideach agus ainmean-àite am broinn teacsa eile.
£15 gach ainm-àite a thathar a’ dearbhadh
Ainmean-àite a rannsaich sinn roimhe – a’ sgrùdadh airson mhearachdan taidhpidh is eile.
Tha sinn a’ moladh, ge-tà, gum bu chòir beachdachadh air ballrachd ma tha 50 ainm no barrachd agaibh rin rannsachadh.
Cìsean Làitheil
Ma tha obair sgrìobhaidh a dhìth oirbh, ma tha sibh airson ’s gun dèan sinn tachartas trèanaidh, no gun toir sinn seachad òraid, is iad na cìsean làitheil againn:
Latha slàn = £250.00
Leth-latha no feasgar = £125.00
Bidh cìs deasachaidh an lùib òraidean sònraichte
Thèid cìs a chur air siubhal sam bith taobh a-muigh an sgìre againn fhèin (50m timcheall).
Gheibh sibh PDF dhe na cìsean again an seo.
