A bheil ùidh agaibh ann an ainmean-àite agus dualchas nàdarra?

Tha Ainmean-Àite na h-Alba (AÀA) agus Dualchas Nàdair na h-Alba a’ cruthachadh leabhran air ainmean-àite Èirisgeigh.

Le taic bho Bòrd na Gàidhlig, tha sinn a’ sireadh neach-rannsachaidh gus rannsachadh ionadail a dhèanamh airson a’ phròiseict.

Tha ùidh ann an eachdraidh is ainmean-àite na sgìre agus Gàidhlig aig ìre reusanta fileanta riatanach.

Gheibhear latha trèanaidh ann an Èirisgeigh, air neo Uibhist a Deas, agus taic leantainneach (a’ gabhail a-steach cosgaisean).

Bidh an neach-rannsachaidh ag obair air an ceann fhèin dà latha san t-seachdain fad deich seachdainean, le uairean obrach sùbailte. Tha sinn an dùil an obair rannsachaidh a thòiseachadh ro dheireadh an Iuchair.

Bu chòir gun tèid aig an neach-rannsachaidh ri co-dhiù dithis neach-fiosrachaidh a lorg. Bidh dleastanasan eile a’ gabhail a-steach:

• Comharran-clèithe a dhearbhadh
• An obair rannsachaidh a chur còmhla ann an cliath-dhuilleig
• Agallamhan a thar-sgrìobhadh

Ma tha ùidh agaibh ann, no airson barrachd fiosrachaidh fhaighinn, cuiribh fios thugainn aig oifis@ainmean-àite.scot no fònaibh gu Eilidh air 01471 888 120.

Cuiribh iarrtas-obrach, litir agus cunntas-beatha thugainn ro Dhihaoine 29mh den Ògmhios 2018.

Gheibhear ar leabhran mu dheireadh, Ainmean-Àite Cholbhasa agus Orasa, ann an cruth PDF an seo.